“Тасисат Дарёий” футзал клубининг бош мураббийи Амир Шамсаий клублар ўртасидаги Осиё чемпионлигини қўлга критгандан кўра, уни ҳимоя қилиш жуда қийин бўлиши ҳақида гапирди.

2015 йилда Эронда ўтказилган чемпионатда “Тасисат” клуби барча ўйинларда ғалаба қозониб, Осиё чемпиони деган унвонга сазовор бўлганди. Эртага ушбу клуб вакиллари Ўзбекистоннинг “Олмалиқ” клубига қарши майдонга тушишади. Унинг таркибида эса февраль ойида Осиё чемпионатида кумуш медалларни қўлга киритган Ўзбекистон терма жамоасининг 9 нафар аъзоси бор.

"Биз ўтган йили қўлга киритган чемпионлик унвонини ҳимоя қилиш учун келдик. Уни қўлга киритгандан кўра, ҳимоя қилиш жуда мушкул. Мен ҳар бир ўйинни мисли финал деб ҳисоблайман. Биз мусобақага жуда яхши тайёргарлик кўрдик" – деди Шамсий.

Эслатиб ўтамиз, “Тасисат Дарёий” ва “Олмалиқ” ўртасидаги ўйин эртага бўлиб ўтади.