"Лацио" президенти Клаудио Лотито "Рома" клубининг спорт директори Вальтер Сабатинини аргентиналик мутахассис Марсело Бьелсани клубда ишлаш фикридан қайтишига сабабчи бўлганини билдирди.

"Сабатини Бьелсани йўлдан уриб, клубимизда ишлашдан юз ўгиришига сабачи бўлди. У Бьелсага телефон қилиб: “У ерга борма, барибир Лотито сен учун футболчи сотиб олмайди” - деб айтган.

Бундан ташқари, Марселонинг талаблари мени ҳайратга солди. У ўзи ва ёрдамчилари учун 6та автомашина, пули олдиндан тўланган 6та телефон, 5 юлдузли меҳмонхоналардан жой сўради. У мендан ҳимоячи учун 30 миллион евро, яна бир футболчи учун 50 миллион евро сарфлашни талаб қилди. Наҳотки мураббий клуб раҳбарига қанча маблағ сарфлаш кераклигини ўргатса?", – деди Лотито La Repubblica хабарига кўра.

Эслатиб ўтамиз, Марсело Бьелса "Лацио" билан шартнома тузгач, икки кундан сўнг жамоани тарк этганди.