ФИФА "Реал" ва "Атлетико" клубларини 2005 – 2014 йиллар давомида вояга етмаган футболчилар билан шартнома тузишдаги қонунбузарликлар учун жазолаган эди.
Ҳар иккала клубга икки трансфер мавсуми давомида янги футболчилар билан шартнома имзолаш тақиқлаб қўйилганди. Клублар ФИФАнинг бу қарорига норози бўлиб, апелляция беришганди. Бироқ ФИФА апелляция қўмитаси ўз қарорини ўзгаришсиз қолдирди ва клубларнинг апелляциясини рад қилди.
Энди Мадрид шаҳри клублари бу йилги трансфер мавсумида таркибни тўлдириб олишлари шарт, чунки кейинги трансфер мавсумидан бошлаб то 2018 йил январ ойигача улар янги футболчилар билан шартнома имзолай олмайдилар.
