Андижонда Ватанимиз мустақиллигининг 25 йиллигига бағишлаб “Соғлом оила” шиори остида ўтказилган “Отам, онам ва мен – спортчи оила” мусобақасида 17 оила ўзаро баҳслашди.

«Соғлом она ва бола йили» Давлат дастури ижроси доирасида «Маҳалла» хайрия жамоат фонди вилоят бўлими ва бошқа қатор ташкилотлар ҳамкорлигида ташкил этилган тадбирда Президентимиз раҳнамолигида спорт, айниқса, болалар спортини ривожлантириш, жамиятимизда соғлом турмуш тарзини қарор топтириш, спорт билан шуғулланувчи оилаларни рағбатлантиришга алоҳида эътибор қаратилаётгани таъкидланди.

Балиқчи туманидаги Оққўрғон маҳалласидан Абдуғаффор Турғунов оиласи ғолибликни қўлга киритди. Қорасув шаҳар Пахтачи маҳалласидан Дилшодбек Қодиров оиласи иккинчи, Хўжаобод тумани Шаҳрихонсой маҳалласидан Тўрабек Сатторов оиласи учинчи ўринни эгаллади.

Ғолиб ва совриндорлар ташкилотчилар томонидан диплом ва эсдалик совғалар билан тақдирланди.