Лондоннинг «Вест Ҳэм» клуби Европа Лигаси 3-саралаш босқичини мағлубият билан бошлади. Словенияда «Домжале» клуби билан тўқнаш келган Славен Билич шогирдлари 1:2 ҳисобида имкониятни бой берди.
Учрашувни бошқариб борган туркиялик ҳакам Мете Калкаван иккита пенальти белгилади. 11-дақиқада мезбонлар бундан унумли фойдаланган бўлса, 18-дақиқада Марк Ноубл 11 метрлик жарима зарбасини аниқ амалга оширди.
Ҳисобни ушлаб қолиш лондонликларга насиб қилмади. 49-дақиқада Матиц Чрниц дублини расмийлаштириб, Словения клубининг ғалабасини таъминлаб берди.
Евро—2016 юлдузларидан бири Димитри Пайет учрашув қайдномасига киритилмади.
Европа Лигаси
3-саралаш босқичи. Дастлабки ўйинлар
28 июль, пайшанба
«Адмира Ваккер» (Австрия) — «Слован» (Чехия) 1:2
«Сент-Этьен» (Франция) — «АЭК» (Греция) 0:0
«Абердин» (Шотландия) — «Марибор» (Словения) 1:1
«АЗ Алкмар» (Голландия) — «Пас» (Греция) 1:0
«Домжеле» (Словения) — «Вест Ҳэм» (Англия) 2:1
«Видеотон» (Венгрия) — «Мидтьюлланн» (Дания) 0:1
«Гент» (Бельгия) — «Вииторул» (Руминия) 5:0
«Герта» (Германия) — «Брондбю» (Дания) 1:0
«Пандурий» (Руминия) — «Маккаби Т-А» (Исроил) 1:3
«Войводина» (Сербия) — «Динамо Минск» (Беларусь) 1:1
