«Интер» раҳбарияти жамоа ҳужумчиси Мауро Икардига молиявий шартлари янада яхшиланган янги шартнома таклиф қилиш ниятида.
Бироқ томонлар янги шартнома кучга кирадиган сана борасида келиша олмаяпти. Клуб раҳбарияти аргентиналик футболчи билан музокара ўтказган бўлиб, Икардининг маоши фақат ёзги трансфер ойнаси ёпилганидан сўнг оширилишини маълум қилган.
Ҳужумчи ўтган мавсум Италия чемпионатида 33 учрашувда майдонга тушиб, 16 та гол урган ва бешта голга ҳаммуаллифлик қилган.