Кеча бўлиб ўтган "Локомотив" - "Қизилқум" баҳсида "темирйўлчилар" 2:0 ҳисобида ғалаба қозонишди. Бу ўйинда жамоамизнинг янги футболчиси Артур Геворкян ҳам майдонга тушди.
Геворкян бошланғич таркибда ҳаракат қилиб, 77-дақиқада Шерзод Файзиевга алмаштирилди. Айтиш мумкинки, туркманистонлик футболчи ўзининг биринчи ўйинида ёмон таассурот қолдирмади.
71-рақам эгаси ўнг қанотдан бир неча бор рақиб жарима майдончаси ичига кириб боришга муваффақ бўлди. Геворкян ҳатто бир вазиятда жарима тўпидан гол уриши ҳам мумкин эди. Унга кейинги ўйинларда ҳам омад тилаб қоламиз.
