"Барселона" клуби собиқ ярим ҳимоячиси Хави Эрнандес каталонияликлар собиқ бош мураббийи Хосеп Гвардиола ҳақида илиқ фикр билдирди.
"Гвардиола "Барселона" бошқарувига келган йили футбол оламида инқилоб ўрнатилган эди. Мен нафақат совринларни, балки "Барселона" олға сурган ўйин фалсафасини ҳам назарда тутмоқдаман.
Шундан сўнг орадан ҳеч қанча вақт ўтмай деярли ҳеч ким узоқ масофага оширмалардан фойдаланмай қўйган эди. Ҳатто "Реал" ҳам ўйин услубини ўзгартирган. Шундай экан, Пеп нафақат "Барселона", балки бутун дунё футболини ўзгартирган", - дейди Хави.
