«Реал» клуби президенти Флорентино Перес УЕФА Суперкубогида ғолиб чиққан жамоаси шаънига илиқ сўзларни гапирди. Эслатиб ўтамиз, «Реал» 1:2 ҳисобида мағлуб бўлаётганда, ҳимоячи Серхио Рамос сўнгги дақиқада гол уриб, ҳисобни тенглаштирган эди.
«Жудаям мамнунман, чунки Суперкубокда ғолиб чиқиш ҳар доим мушкул. Ғалаба ҳаққоний бўлди, айниқса мавсумни энди бошланаётганини инобатга оладиган бўлсак. Чунки футболчилар ҳали жисмоний ҳолатини тиклаб олишмаган бўлади. Рамосдан голларни эртароқ уришни сўрадим, сабаби бунақа азобга тайёр эмасман» - деди Перес Sport хабарида.
