Швеция терма жамоаси ҳимоячиси Юнас Ольссон «Манчестер Юнайтед» ҳужумчиси Златан Иброҳимович ҳақида ўз фикрларини баён қилди.
«Мен Златан билан бу ҳақда, баҳордаёқ гаплашиб кўргандим. Иброҳимович «МЮ»га ўтиши ҳақида гапирганди, буни жуда хоҳлаган эди. Златан Кантонага ўхшаш шахс. «МЮ» клуби ва мухлисларига бундай футболчи керак. Иброҳимович катта қадам ташламоқда. Унинг фаолияти ажойиб ўтган ва яна бир неча йиллар давомида шу даражада ўйнай олади. Златан «МЮ»да из қолдирмоқчи» - деди Ольссон Afterbladet хабарида.
