Ҳужумчи Жейми Варди «Лестер» клубининг янги футболчиси Ахмад Муса имкониятлари ҳақида ўз фикрини билдирди. Нигерия терма жамоаси футболчиси шу йил ёзда ЦСКА клубидан 16 миллион фунт эвазига келган эди.
«Муса жуда тезкор футболчи. Уни олдин ҳам кўрганман. ЦСКА таркибида Чемпионлар лигасидаги ўйинларини томоша қилганман. У ҳар доим юқори тезлиги билан ажралиб турган. Умид қиламанки, Муса ҳужумларимизга хилма-хилликни олиб киради», - деди Варди Leicester Mercury хабарига кўра.
Ўтган мавсумда Ахмад Муса Россия чемпионатининг 30 ўйинида 13 гол урган эди.
