«Челси» яримҳимоячиси Эден Азар муваффақиятсиз ўтган мавсумни унутиш, икки йил олдинги чемпионлик мавсумини қайтариш лозимлиги ҳақида гапирди.
«Ҳар биримиз икки йил олдинги ҳолатимизга қайтишимиз лозим. Ўтган мавсумдаги муваффақиятсизликларга кўп баҳона топдик, аммо нима учун ёмон ўйнаганимизни билолмадик. Балки кимдир чарчаб қолгандир.
Ҳозир эса янги мавсум старт олмоқда. Ўтган мавсумни унутиб, янада яхшироқ ўйнаш учун ҳаракат қилишимиз лозим. Мен ҳам гол уришим, голли узатмаларни амалга оширишим шарт. Антонио Конте бизга ишонч бағишламоқда.
Бу йил еврокубокларда ўйнамайман, бу мен учун янгилик. Энди тикланиб олишимиз учун кўпроқ вақтга эга бўламиз» - деди Азар Sky Sports хабарида.
