Англия Премьер-лигасининг янги — 2016/17 йилги мавсуми старт олди. Чемпионатни мамлакатнинг амалдаги чемпиони — «Лестер» ҳамда чемпионат дебютантларидан бири — «Халл Сити» ўртасидаги ўйин очиб берди.
«Кей Си Стэдиум»да бўлиб ўтган баҳсда меҳмонлар — «Лестер» футболчилари 1:2 ҳисобида имкониятни бой берди. Учрашувда ҳисоб биринчи тайм якунланиши арафасида «Халл»нинг норвегиялик ҳужумчиси Адама Диоманде қайчи услубидаги зарбаси билан ҳисобни очди.
Иккинчи тайм бошида эса «Лестер» пенальти ишлади — жарима майдончаси ичида Эрнандесга нисбатан ишлатилган қўполлик учун бош ҳакам Майк Дин 11 метрлик жарима зарбаси белгилади. Ундан Риёз Маҳрез аниқ фойдаланиб, ҳисобни тенглаштирди.
Бироқ Клаудио Раньери шогирдлари дуранг натижани сақлаб қола олмади — 57-дақиқада «Халл»нинг шотландиялик ярим ҳимоячиси Роберт Снодграсс йўллаган аниқ зарба йўлига лестерликларнинг на ҳимоячилари, на дарвозабони Каспер Шмейхель тўғаноқ бўла олди.
Маълумот учун, Англия Премьер-лигаси 1-туридан ўрин қолган ўйинларнинг олтитаси бугун, 13 август куни, иккитаси 14 август, сўнггиси эса 15 август куни ўтказилади.
Англия Премьер-лигаси, 1-тур учрашуви
13 август, шанба
«Халл»—«Лестер» 2:1 (1:0)
«Халл»: Якупович, Хаддлстоун, Робертсон, Дэвис, Снодграсс, ал-Муҳаммадий, Клукас, Мейлер, Ливермор, Диоманде, Эрнандес.
«Лестер»: Шмейхель, Симпсон (Ульоа, 83), Морган, Фукс, Эрнандес, Дринкуотер, Кинг (Амарти, 68), Грэй (Оказаки, 68), Марез, Варди, Муса.
Голлар:1:0 – 45 Диоманде, 1:1 – 47, пенальти Марез, 2:1 – 57 Снодграсс.
Огоҳлантиришлар: Фукс (29), Симпсон (33), Дэвис (71), Клукас (83).
Турнинг қолган ўйинлари:
13 август, шанба
Бернли — Суонси
Кристал Пэлас — Вест Бромвич
Эвертон — Тоттенхэм
Мидлсбро — Сток Сити
Саутгемптон — Уотфорд
Манчестер Сити — Сандерленд
14 август, якшанба
Борнмут — Манчестер Юнайтед
Арсенал — Ливерпуль
15 август, душанба
Челси — Вест Хэм
