«Орландо Сити» ярим ҳимоячиси Кака франциялик Поль Погбанинг футбол учун рекорд сумма — 105 млн евро эвазига «Ювентус»дан «МЮ»га ўтишига муносабат билдирди.
«Албатта, бунчалик катта пул эвазига бир жамоадан бошқасига ўтиш катта босим бўлиб тушади. Клуб эса Погба кўп фойда келтиришини билиб туриб шу қарорни қабул қилган. Погба жуда яхши ўйинчи, боз устига ҳали жуда ёш», — деди бразилиялик футболчи.
«Погба масаласида «Юнайтед»нинг ўз режаси борлиги аниқ ва Погба унинг учун сарфланган пулга арзийди», — дея қўшимча қилди Кака.
