Тошкент вилоятининг Қибрай тумани марказий стадионида футбол бўйича аёллар ўртасидаги мамлакат чемпионатининг 3-тур ўйинлари бўлиб ўтди.
Тошкентнинг "Пахтакор W", Термизнинг "ТерДУ Сурхон", Қаршининг "Севинч-2", Самарқанднинг "Динамо плюс", Наманганнинг "Навбаҳор W", Гулистоннинг "Шарқ юлдузи" ва Жиззахнинг "Жиззах" футбол клублари иштирокидаги мусобақалар қизғин ва муросасиз кечди.
Бу турда ҳам «ТерДУ Сурхон» жамоаси рақибларидан анча устунлигини намойиш этди. Термиз шаҳри вакиллари Қаршининг "Севинч-2" жамоаси билан дуранг ўйнаб, Тошкентнинг "Пахтакор W" ва Наманганнинг "Навбаҳор W" жамоаларини бир хил – 3:0 ҳисобида ютди. Гулистоннинг "Шарқ юлдузи" жамоаси дарвозасига эса жавобсиз 12 та гол киритди.
Учрашувлар якунига кўра, термизликлар гуруҳдаги пешқадамликни сақлаб қолди.
Навбатдаги тур ўйинлари шу йилнинг 17-22 сентябрь кунлари бўлиб ўтади.
Муҳаммад Амин (сурат), ЎзА
