«Атлетико» ҳужумчиси Антуан Гризманн 2015/16 мавсумида Европанинг энг яхши футболчиси совринига лойиқ эканини баён қилди.

«Чемпионлар лигаси ва Европа чемпионати финалида ўйнаганимдан фахрланаман. Бу билан тўғри йўлда эканимни англаяпман. Бироқ ҳали кўп ишлашим, қаттиқ меҳнат қилишим керак.

Катта кетмоқчимасману, бироқ мен Европанинг энг яхши футболчиси совринини олишга лойиқман, чунки «Атлетико»да ҳам, Франция терма жамоасида ҳам ажойиб мавсумни ўтказдим. Бу унутилмас йил бўлди. Афсуски, бирорта совринни ютиб олмаганим алам қиляпти ва бу мен ва жамоадошларим учун қайғули бўлди» - деди Гризманн Goal хабарида.

Эслатиб ўтамиз, Гризманн, Роналду ва Бэйл мавсумнинг энг яхши футболчиси бўлишга даъвогар саналишади.