Осиё чемпионлар лигаси-2016 чорак финал жавоб ўйинлари доирасидаги “Локомотив” – “Ал-Айн” ўйинидан кейин ташкил этилган матбуот анжуманининг иккинчи қисмида, мезбонлар мураббийи Андрей Микляев иштирок этиб, ўйин ҳақидаги фикрлари билан ўртоқлашди.

"Энг аввало рақибни кейинги босқичга чиққани билан табриклайман. Гол ўйин тизгинини ўзгартириб юборди. Вазиятларимиз кўп бўлди. Бугун бизнинг кунимиз эмас экан. Агар голни биз биринчи бўлиб киритганимизда барчаси бошқача бўларди. Аммо, бундай жамоага қарши ўйнаш осон бўлгани йўқ. 

 Мухлисларга албатта миннатдорчилик билдириб қоламан.

Олег Зотеев? Унинг жароҳати бор эди. Таваккал қилишни истамаганимиз учун уни асосий таркибда майдонга туширмадик. 

Афсуски, ҳужумчимиз Степанович кутилмаганда жароҳат олди. Бугун қўл остимиздаги имкониятларимиздан фойдаландик. Албатта, жамоа сафида тажрибали ҳужумчи бўлгани яхши.

Майдон сифати? Йигитлар бу борада ҳеч қандай шикоят қилмадилар. Рақиб футболчилари ҳам ўз ўйинларини кўрсатишди деб ўйлайман.

Яна бир маротаба қўллаб-қувватловлар учун барча-барчага ўз миннатдорчилигимни билдириб ўтмоқчиман", дейди Андрей Микляев.