Афсонавий немис футболчиси Лотар Маттеус «Барселона» ва Аргентина терма жамоасининг ҳужумчиси Лионель Месси шаънига ёғдирилаётган танқидларни тушунмаслигини билдирди.
«Месси шаънига ёғдирилаётган танқидларни тушунмайман. Агар аргентиналиклар Мессини ёмон кўришса, у Германияга кўчиб ўтиши мумкин. Уни хурсандчилик билан кутиб оламиз, фуқаролик паспортини берамиз.
Нега аргентиналиклар Месси кучлими ё Марадонами деб баҳслашадилар? Ахир бу тарихдаги энг яхши икки футболчику?
Месси энг яхши эканини исботлаш учун жаҳон чемпиони бўлиши шартмас. Унинг ўйини ҳар қандай совринлардан яхшироқ. Аргентинани ЖЧ-2014 финалида мағлуб бўлганида Мессининг айби йўқ» - деди Маттеус La Nación хабарида.
