Жамоамиз аъзолари навбатдаги турда Наманганнинг “Навбаҳор” жамоаси билан бўлиб ўтадиган учрашувга тайёргарликни бошлаб юбордилар. Кечаги машғулотлар суъний қопламали майдонда ва тренажёр залида бўлиб ўтди. Машғулотларда барча футболчилар, мураббийларнинг кўрсатмалари асосида тер тўкдилар. Жароҳати боис Азиз Тўхтабоев машғулотларда иштирок этмаяпти. “Бунёдкор”га қарши ўйинда жароҳат олиб майдонни эрта тарк этган Отабек Зокиров эса шифокор назорати остида алоҳида машқларни бажармоқда. Машғулотлар сўнггида футболчилар саунада тикланиш жараёнида қатнашдилар. Кечки овқатга эса ўзбек миллий таоми ош тортилди. Жамоамизнинг барча аъзолари легионер ҳимоячи Дарко Гожковични туғилган куни билан табриклашди. Бугундан машғулотлар икки маҳалдан давом этади.
Қуйида кечаги кундан олинган фотолар билан танишинг:
