Премьер-Лиганинг 7-тур беллашувлари ўз якунига етганидан сўнг Уэльснинг «Суонси» клуби бош мураббий Франческо Гвидолинни вазифасидан озод этди.
Шу тариқа мутахассис Премьер-Лига тарихида туғилган кунида ишдан кетган биринчи мутахассисга айланди.
Гвидолин «Суонси»ни 2016 йилнинг январида қабул қилиб олган бўлиб, унинг бошчилигида жамоа ўтган мавсумни 12-ўринда якунлаганди. Янги мавсумнинг 7-туридан кейин эса «Суонси» 17-ўринни эгаллаб турибди.
Гвидолинни шу кунга қадар Франциянинг «Гавр» клубини бошқариб келаётган америкалик Боб Бредли алмаштирди, деб маълумот берди «Чемпионат».
