ФИФА ташкилоти ЖЧ-2018 саралаш ўйинларида мухлислар томонидан юзага келтирилган тартибсизликлар туфайли бир қатор федерацияларни жаримага тортди.

Жазоланганлар орасида Гондурас (65 минг Швейцария франки), Сальвадор (45), Мексика (30), Канада (20), Чили, Бразилия (20), Аргентина (25), Парагвай (25), Перу (30), Италия (30) ва Албания (50) футбол федерациялари бор.

Бундан ташқари Чили 28 март куни ўтказиладиган Венесуэлага қарши ўйинни мухлисларсиз ўтказиш билан жазоланди. Юқорида санаб ўтилган терма жамоалар ўйинида бу ҳолатлар такрорланса, улар ҳам шундай жазога тортилиши мумкин.