Лионель Месси иштирок этмаган учрашувларда Аргентина терма жамоаси ЖЧ-2018 саралаш баҳсларида очко йўқотишда давом этмоқда.
Эдгардо Бауса шогирдлари Перу меҳмони бўлишди ва ўйин давомида икки марта ҳисобда олдинда бораётиб, якунда ғалабани қўлдан чиқарди.
Биринчи бўлимнинг 15-дақиқасида Фунес Мори томонидан киритилган гол эвазига аргентиналиклар ҳисобни очишган бўлса, иккинчи бўлимда Герреро мувозанатни тиклади. Ўйин тугашига 13 дақиқа қолганида Гонсало Игуаин Аргентинани яна олдинга олиб чиқди. Бироқ баҳс якунланишига 6 дақиқа қолганида меҳмонлар дарвоза томон пенальти белгиланди ва уни Куэва аниқ амалга оширди.
Шу тариқа, Аргентина муҳим 2 очкодан маҳрум бўлди. Жамоа 16 очко билан жадвалда 5-ўринни эгаллаб турибди. Жамоа беш кундан кейин ўз майдонида Парагвайни қабул қилади.
ЖЧ-2018 саралаш. КОНМЕБОЛ, 9-тур
Перу – Аргентина 2:2 (0:1, 2:1)
Голлар: 0:1 – 15 Фунес Мори, 1:1 – 58 Герреро, 1:2 – 77 Игуаин, 2:2 – 84, пенальти Куэва.
Перу – Гальесе, Рамос, Йотун, Родригес, Трауко, Тапия, Бенавенте (да Сильва, 46), Куэва (Лобатон, 84), Корсо, Флорес (Руидиас, 58), Герреро.
Аргентина – Ромеро, Отаменди, Рохо, Сабалета, Фунес Мори, Краневиттер, Маскерано, Ди Мария, Агуэро (Банега, 73), Игуаин, Дибала (Корреа, 65).
Огоҳлантиришлар: Йотун (15), Отаменди (30), Сабалета (69), Игуаин (72), Фунес Мори (82).
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Уругвай | 9 | 6 | 1 | 2 | 19-5 | 19 |
| 2 | Бразилия | 9 | 5 | 3 | 1 | 21-10 | 18 |
| 3 | Эквадор | 9 | 5 | 1 | 3 | 16-12 | 16 |
| 4 | Колумбия | 9 | 5 | 1 | 3 | 13-10 | 16 |
| 5 | Аргентина | 9 | 4 | 4 | 1 | 11-8 | 16 |
| 6 | Парагвай | 9 | 3 | 3 | 3 | 9-12 | 12 |
| 7 | Чили | 9 | 3 | 2 | 4 | 13-15 | 11 |
| 8 | Перу | 9 | 2 | 2 | 5 | 11-17 | 8 |
| 9 | Боливия | 9 | 2 | 1 | 6 | 9-18 | 7 |
| 10 | Венесуэла | 9 | 0 | 2 | 7 | 9-24 | 2 |
