Голландиянинг 30га яқин клуби олимларнинг изланиши натижалари туфайли сунъий қопламали майдонлардан воз кечишга қарор қилди.
Утрехт университети профессори кўп йиллик изланишлар натижасида, сунъий қопламаларни тайёрлаш учун ишлатиладиган гранулалар саратон касалини келтириб чиқариши мумкинлигини аниқлади, деб хабар бермоқда The Sun.
«Мен токсиколог сифатида айтишим мумкин, бундай майдонларда ўйнамаган бўлардим. Чунки уларни хавфига тўғри баҳо беролмаймиз» - деди олим.
Маълумки, резина гранулалар автомобилларнинг эски ғилдиракларидан тайёрланади. Бу борада яна қўшимча изланишлар ўтказилади.
