Бугун Эрон терма жамоаси Теҳронда ЖЧ-2018 саралаш ўйинлари доирасида Жанубий Кореяни қабул қилади.
Ўйин шиаларнинг Ашуро – мотам кунига тўғри келади. Бу куни шиалар имоми Ҳусайн қатл қилинган. Шунинг учун ҳам мухлислар ўзларини мотам кунига хос тарзда тутишлари талаб қилинади.
«Стадиондаги муҳит 100% Ашурога мос бўлиши керак. Бутун стадион қора либосга бурканиши шарт. Мухлислар фақат «Ё Ҳусайн» деб қичқиришлари лозим» - деди оятулло Али Муховадий Кармоний.
«Озодий» стадионида имом Ҳусайн номи битилган икки қора байроқ ёйилади. Жанубий Корея футболчилари ва журналистлари ҳам қора боғичларда майдонга тушади.
