«Манчестер Юнайтед» бош мураббийи Жозе Моуриньо маълумот беришича, Уэйн Руни «Ливерпуль»га қарши бўладиган ўйинга тайёр.
Рунининг Англия терма жамоаси асосий таркибида Словенияга қарши ўйинда майдонга тушмагани португалиялик мураббийни қизиқтирмайди. Аввалроқ Моуриньо «шрек»ни «Сток Сити»га қарши ўйинда (1:1) захирада қолдирганди.
«Англия — менинг муаммом эмас. У машғулотларда фаол иштирок этмоқда ва "Ливерпуль"га қарши ўйинда майдонга тушишга тайёр. Рунида иштиёқ юқори», — дейди Моуриньо.
«Ливерпуль» — «Манчестер Юнайтед» баҳси 17 октябрь, душанба куни бўлиб ўтади.