Мадриднинг «Реал» клуби марказий ҳимоячиси Антонио Рюдигер ёзги трансфер ойнасида жамоани тарк этиш имкониятларини кўриб чиқмоқда. Бу ҳақда Испаниянинг Cadena SER нашри хабар берди.
Маълумотларга кўра, 33 ёшли германиялик ҳимоячи «қироллик клуби»нинг шартномани узайтириш борасидаги таклифига ҳали жавоб бермаган. Бунинг асосий сабаби сифатида футболчига бошқа бир номаълум клубдан молиявий жиҳатдан жуда манфаатли таклиф тушгани айтилмоқда. Ҳозирда тажрибали ҳимоячи фаолиятини бошқа жамоада давом эттириш вариантини жиддий ўйлаб кўрмоқда, бироқ якуний қарор ҳали қабул қилинмаган.
Рюдигернинг «Реал» билан амалдаги келишуви шу йилнинг июнь ойи охирида ўз ниҳоясига етади. Жорий мавсумда ҳимоячи барча мусобақаларда 23 та ўйинда иштирок этиб, ўз ҳисобига битта гол ёздириб қўйган.
