«Барселона» раҳбарияти марказий ҳужумчи қидириш бўйича фаол ишларни давом эттирмоқда. Аввалроқ хабар берилганидек, мадриднинг «Атлетико» клубида тўп тепаётган аргентиналик Хулиан Альварес асосий номзод бўлиб турибди.
Cadena SER нашрининг маълумотларига кўра, «кўк-анорранглилар»нинг шорт-листида ҳужум чизиғи учун яна камида иккита номзод мавжуд. Гап «Интер»дан Лаутаро Мартинес ва «Челси» аъзоси Жоао Педро ҳақида бормоқда.
«Барселона» раҳбарларининг фикрича, ҳар икки футболчи ҳам клуб учун мос бўлган ўйин хусусиятларига эга.
Каталония клуби айни дамда Ла Лига турнир жадвалида 85 очко билан биринчи ўринда бормоқда.
