Баҳрайнда ёшлар ўртасидаги Осиё чемпионатида «D» гуруҳининг сўнгги тур ўйинлари ўтказилади.

Муддатидан олдин кейинги босқич йўлланмаси ва гуруҳдаги 1-ўринни нақд қилган Ўзбекистон ёшлар терма жамоаси Хитой билан куч синашади.

Айтиш жоизки, бу ўйин амалда ҳеч нарсани ҳал қилмайди. Хитой ёшлари ғалаба қозонган тақдирда ҳам кейинги босқичга чиқолмайди.

Шунинг учун бўлса керак, Ўзбекистон ёшлар терма жамоаси бош мураббийи Жасур Абдураимов бу ўйинга иккинчи таркибни туширишга қарор қилган.

Австралияга қарши ўйин билан солиштирадиган бўлсак, дарвозабон Умид Ҳамроев, майдондаги футболчилар - Ҳожиакбар Алижонов, Азиз Ғаниев, Жасур Яхшибоев, Бобир Абдухолиқов, Шароф Мухитдинов, Ойбек Рустамов ва Достон Ибрагимов захирада қолдирилган. Ислом Қобилов эса қизил карточка олгани сабабли бу ўйинни ўтказиб юборади. Фақат Хушнудбек Авилов ва Жамшид Юсупов таркибга киритилган.

Бугунги таркиб қуйидагича: 12.Умиджон Эргашев, 2.Азизбек Суюнов, 5.Хушнудбек Авилов, 7.Санжар Қодирқулов, 8.Саиджамол Давлатжонов, 10.Суҳроб Нуруллоев, 13.Жавоҳир Эсонқулов, 16.Жамшид Юсупов, 20.Ҳусниддин Ғофуров (С), 22.Бегзод Ғанижонов, 23.Нурилло Тўхтасинов