ФИФА ЖЧ-2018 саралашидан ўрин олган Англия – Шотландия ва Уэльс – Сербия ўйинида жамоаларга лола-қизғалдоқ тасвири туширилган боғичларда майдонга тушишга рухсат берди.
Гап шундаки, лола-қизғалдоқ - Британияда уруш қурбонлари хотирасига ҳурмат белгиси ҳисобланади.
Mirror хабарига кўра, ФИФА бу белгини сиёсий тимсол деб ҳисоблайди ва қоидага кўра, футболчиларнинг кийимида тасвирланишини тақиқлайди. Аммо мотам боғичларида фойдаланишга рухсат беради.
Эслатиб ўтамиз, ЖЧ-2018 саралашидан ўрин олган Англия – Шотландия ўйини 11 ноябрь куни «Уэмбли» стадионида ўтказилади. Шу куни Британияда урушда ҳалок бўлган аскарлар хотираси анъанавий тарзда ёдга олинади. Уэльс – Сербия ўйини эса 12 ноябрда ўтказилади.