Аргентиналик футбол афсонаси Диего Марадону қариндошларидан хафа бўлди. Марадона 30 октябрь куни 56 ёшни қарши олди, лекин унинг бир неча нафар оила аъзолари туғилган кунга келишдан бош тортди.
«Мен фарзандларим ва набираларим учун 6та чипта юбордим. Аммо улардан фақат икки нафари ташриф буюрди. Қолган 3та чипта Далма, Жанина ва набирам учун брон қилинганди. Мен байрамни чиройли тарзда нишонладим. Лекин мен улардан смс ёки видеойўлланма кутгандим. Аммо бундай табрик ҳам бўлмади. Мен хафаман, боиси ота ёки бобога нисбатан бундай муносабатда бўлишмайди. Ўртамизда қандай муаммо бўлишидан қатъи назар. Қизларимдан бири билан жиддий суҳбатлашгандим. Лекин улар унутмасин, нимагаки эришган бўлишса, бари мен туфайли. Тўпсиз бугунги кунда улар ҳеч нарсага эга бўлмаган бўлишарди. Бир пайтлар менда ҳам ҳеч нарса йўқ эди. Шунинг учун хафаман», — деди Марадона.
