“Бунёдкор” академиясига қарашли майдонларда фахрий футболчилар ўртасида республика чемпионатининг ярим финал ўйинлари бўлиб ўтди.  Дастлаб майдонга “Насаф” ва “Қизилқум” фахрийлари майдонга чиқишди. Бу учрашувда қаршилик фахрий футболчилар 2:0 ҳисобида ғалаба қозонишди.

Ундан сўнг майдонга “Бунёдкор” ва “Қўқон-1912” жамоалари фахрийлари майдонда саф тортишди. Бу учрашув биринчи ярим финалга қараганда анча шиддатли ва томошабоп бўлди. Ҳар икки жамоа таркибида яқин ўтмишнинг бир қатор машҳур футболчилари майдонда ҳаракат қилишди. Учрашувнинг биринчи бўлимида пойтахтликлар пенальтидан ҳисобни очишди. Гол муаллифи К. Агустин бўлди.

2-бўлимда жамоамиз фахрий футболчилари рақибларига жиддий қаршилик кўрсатишди. Айниқса,  майдонда Нўьмон Хасанов, Самандар Мелибоев, Ғайратжон Шарипов, Маъмуржон Мансуров ва Муҳиддин Абдувалиевлар анча фаолликлари билан  ажралиб туришди. Кетма-кет уюштирилган ҳужумлар ниҳоят ўз самарасини берди. Қанотдан уюштирилган ҳужумдан сўнг  Ғайратжон  Шарипов “Бунёдкор” дарвозасини ишғол қилди. Учрашувнинг асосий вақти 1:1 ҳисобидаги дуранг билан якун топди.

Шундан сўнг жамоалар финал иштирокчисини аниқлаш учун пенальтилар сериясини амалга оширишди. Ўзига хос футбол лотереясида мезбонларга омад кулиб боқди. Шундай қилиб пенальтилар сериясида 4:2 ҳисобида имкониятни бой берган фахрий футболчиларимиз, учинчи ўрин учун Навоийлик фахрийларга қарши майдонга чиқадиган бўлишди.

Учинчи ўрин учун бўлиб ўтадиган баҳс бугун ўтказилади.

“Қўқон-1912” фахрийлари таркиби: Ф. Мусажонов, В. Умаралиев, М. Мансуров, А. Жоналиев, М. Абдувалиев, А. Ортиқов, Н. Ҳасанов, А. Отажонов, С. Мелибоев, Ғ. Шарипов, С. Шокиров.

Захира: У. Қувватов, Ш. Жўрабоев, И. Мамадиев, А. Ниёзов, Н. Ғофуров, А. Ашурматов, З. Нурматов.