Эртага Жанубий Корея ва Ўзбекистон терма жамоалари эртага ЖЧ-2018 саралаш босқичи доирасида 5-тур учрашувини ўтказишади. Бугун эса терма жамоалар вакиллари иштирокидаги митинг бўлиб ўтди. Унда жамоалар эртага қандай рангли формада ҳаракат қилишига ойдинлик киритилди. Бу ҳақда ЎФФ матбуот хизмати хабар тарқатди.
Демак, Ўзбекистон терма жамоаси Кореяга қарши ўйинда кўк формада майдонга тушади. Дарвозабонимиз кулранг рангдаги формадаги майдонга тушади. Кореялик футболчилар қизил рангли, дарвозабон яшил рангли либосда ўйнайди. Фаҳад ал-Мирдасий бошчилигидаги саудиялик ҳакамлар сариқ рангли формани танлашди.
Ўзбекистон JOMA, Жанубий Корея NIKE формаларида ўйнашини эслатиб ўтамиз.
Учрашув 15 ноябрь куни Тошкент вақти билан 16:00 да бошланади.
