«Коринтианс» клуби Бразилия футбол конфедерациясига «Шапекоэнсе» клубини қуйи лигага тушиб кетишдан сақлаб қолиш таклифини жўнатди.
Клуб раҳбарияти деярли тўлиқ таркиби билан авиҳалокатда нобуд бўлган «Шапекоэнсе»ни чемпионатда қайси ўринларни эгаллашидан қатъий назар, кейинги уч мавсум давомида Бразилия А сериясида сақлаб қолиш керак деб ҳисобламоқда.
Эслатиб ўтамиз, «Пахтакор» клуби 1979 йилда авиаҳалокатда нобуд бўлганидан сўнг, кейинги уч мавсумда жамоанинг Олий лигадаги ўрни кафолатланган эди.
Шу йили «Пахтакор» чемпионатни 9-ўринда якунлади. 1980 йилда 18 жамоа ичида 16-ўринни эгаллади, 1981 йилда сўнгги ўринни эгаллади, бироқ Олий лигадаги ўрни сақлаб қолинди. 1982 йилда эса 6-ўринни эгаллаган эди.
