Хитой клубига ўтиши кутилаётган Ўзбекистон миллий терма жамоаси аъзоси Одил Аҳмедовнинг Наманганда бўлиб тургани хабар қилинганди. «Футбол Экспресс» газетаси унинг отасидан бу ҳақда сўради.
«Одил Наманганда. «Краснодар» ва Хитой клуби бир тўхтамга келиб улгурмаган бўлса керак. Назаримда, Одил Хитойга йўл олади. Менимча, агенти ҳам ҳозир Хитойда», — деб айтиб ўтган Олимжон Аҳмедов.
«Фёдор Смоловни ҳам Дортмунд клубига сотишмоқчи. Галицкий янги стадион учун катта пул сарфлади. Энди етакчиларини бошқа клубга пуллаш орқали ўз аҳволини яхшилаб олмоқчи, шекилли», — деб фикр билдирган футбол Аҳмедовнинг отаси.
Маълумот учун, Одил Аҳмедовнинг хизмати билан Хитойнинг «Шандонг Луненг» футбол клуби қизиқаётган бўлиб, у «Краснодар» ҳисоб рақамига 8 миллион евро ўтказиб беришга тайёрлиги айтилганди.
