«Эвертон» бош мураббийи Роналд Куман ҳужумчи Ромелу Лукаку билан шартномани узайтириш борасида музокара олиб борилаётганини тасдиқлади.
«Ҳа, музокара олиб борилмоқда. Агар Лукаку шартномани узайтирса, бу «Эвертон» учун катта воқеа бўлади. Чунки клуб етакчи футболчиларини сақлаб қолиш учун барча ишга тайёр эканини кўрсатиб беради. Биз грандлар билан рақобатлашишни истасак, футболчиларни сақлаб қолишимиз шарт» - деди Куман BBC хабарида.
Янги шартнома бўйича Лукакунинг маоши ҳафтасига 100 минг фунт қилиб белгиланиши кутилмоқда. Футболчи жорий мавсумда 16 ўйинда майдонга тушиб, 9та гол урган ва 3та голли узатмани амалга оширган.
