Ҳамюртимиз Одил Аҳмедов Хитойнинг «Шанхай СИПГ» клубига расман ўтди.

Клуб 2005 йилда ташкил қилинган бўлиб, 2013 йилдан буён Суперлигада иштирок этмоқда.

2005 - 2011 йилларда жамоа «Шанхай Дунё» ёки «Шанхай Истэйша» деб номланган, 2012 - 2014 йилларда «Шанхай Теллэйс» номи остида ўйнаган, 2015 йилдан буён эса «Шанхай СИПГ» деб номланмоқда.

Жамоа 2009 йилдан буён «Шанхай» стадионида тўп сурмоқда.

Клубнинг Хитой чемпионатидаги энг катта ютуғи – 2015 йилда кумуш, 2016 йилда бронза медаллар бўлди.

«Шанхай СИПГ» клубини португалиялик машҳур мутахассис Андре Виллаш-Боаш бошқариб келмоқда.

Энди Одил Аҳмедов клубда Жанубий Кореялик ҳимоячи Ким Ю Ён, аргентиналик яримҳимоячи Дарио Конка, бразилиялик Оскар ва Халк, ивуарлик Жан Куасси билан бирга тўп суради.