Уэльснинг «Нью Сэйнтс» клуби миллий чемпионат доирасида қаторасига 27-ўйинда ғалаба қозонди.
Натижада «Нью Сэйнтс» 1971-72 мавсумда «Аякс» томонидан ўрнатилган 26 ғалабадан иборат дунё рекордини янгилади.
«Нью Сэйнтс» жорий мавсумда 21та, ўтган мавсумда 6та ғалабага эришди.
Ноябрь ойида Шотландиянинг 5-дивизион клуби «Ист Килбрид» ҳам қаторасига 27 ўйинда ғалаба қозонган эди. Бироқ лига мақомининг жуда пастлиги сабабли бу рекорд инобатга олинмади. «Аякс» эса Шотландия клубига 27 қути ичимлик юбориб, уларнинг кўнглини кўтарди.
