«Арсенал» ҳужумчиси Оливье Жиру «Борнмут» (3:3) клуби дарвозасига урган голини «чаён зарбаси»ни намойиш қилган ҳолда нишонлади.
Натижада «Арсенал» фанатлари Жируни мақтанчоқликда айблаб, бу қилиғига салбий муносабат билдиришди.
«Агар Жиру ҳақиқий чаёнга айланиб, жамоани чақиб олмаса, мен бунақасини бошқа кўришни истамайман» - деб ёзди бир мухлис.
«Голни бундай услубда нишонлаш - мен кўрган энг ёқимсиз нарсалардан бири. У мени кўз олдимда ўзини ерга урди» - деди яна бир фанат.
«Бу рақс ғалати кўринди. Диққат эътиборингни ғалабага қарат – зинҳор мақтанма! Бу чемпионлик менталитети эмас» деб таъкидлади яна бир мухлис.
