Ўзбекистон терма жамоасининг ЖЧ-2018 йўлидаги рақиби — Эрон термаси бош мураббийи Карлуш Кейруш ўз лавозимини тарк этишга қарор қилди.

63 ёшли мутахассис бунинг сабабларини Facebook’даги саҳифасида маълум қилди.

«Дўстлар, Федерация президенти билан беш соатлик суҳбатдан сўнг терма жамоадан кетиш ҳақида ариза ёздим. Терма жамоанинг ЖЧ–2018 саралаш баҳсларига тайёргарлик режаларини амалга ошириш учун ҳеч қандай шароит йўқлиги, федерацияга қарши бўлганларнинг кўплиги, терма жамоа ғалабасини ўйламайдиган спорт агентлари борлиги учун бу қарорга келдим. Мағлубиятсиз бир йил, ЖЧ–2018 саралаши 3-босқичида гуруҳда биринчи ўринда бўлганимиз, ФИФА рейтингида Эрон Осиёнинг энг кучли жамоаси бўлганидан кейин ҳам Эрон футбол федерацияси тайёргарлик режасини амалга ошириш учун ҳеч қандай шароити ҳамда ваколати йўқлигини айтмоқда» - деб ёзди Карлуш Кейруш.

Айни пайтда Эрон терма жамоаси ЖЧ-2018 саралаш гуруҳида 11 очко билан пешқадамлик қилаётган бўлса, Жанубий Корея 10 очко билан 2-ўриндан жой олган. Ўзбекистон терма жамоаси 9 очко билан 3-поғонада бормоқда.