«Вердер» клубининг спорт директори Франк Бауманн яримҳимоячи Серж Гнабри қишда жамоани тарк этмаслиги ҳақида гапирди.

«Гнабри «Вердер»да қолади, бу 100% аниқ. У жамоада ўзини яхши ҳис қилмоқда, мен хотиржамман. «Вердер» таркибида ўйнаш орқали у ўзининг энг яхши ҳислатларини намойиш қилмоқда», – деди Бауманн.

Аввалроқ, футболчи билан "Лацио" ва "Наполи" клублари қизиқаётгани ҳақида хабарлар чиққан эди.

Гнабри жорий мавсумда Бундеслиганинг 15 ўйинида майдонга тушиб, 7та гол урган ва 1та голга ҳаммуаллифлик қилган.