"Манчестер Юнайтед" ҳужумчиси Златан Иброҳимович АПЛнинг 21-турида "Ливерпуль" билан дурангдан сўнг (1:1) жамоаси ўйинидан қониқмаганини маълум қилди.
Ўйин охирида швед футболчисининг урган голи манчестерликларни мағлубиятдан қутқариб қолди.
"Ўзимизнинг энг яхши ўйинимизни кўрсатмай туриб, очко олдик. Ўйин қийин бўлди. Учрашувнинг катта қисмида ҳисобда ортда бордик. Рақибни қувиб етиш осон бўлмади, аммо ҳисобни тенглаштира олдик.
"МЮ" бугун кўплаб оддий хатоларга йўл қўйди. Иккинчи бўлимда яхшироқ ўйнадик. "Ливерпуль" қаттиқ прессинг қилди, бизга босим ўтказишга уринди. Албатта, етакчилар билан очколар фарқини қисқартириш учун ҳар ўйинда ғалаба қозонгимиз келади", - дейди Иброҳимович.
