«Манчестер Сити» бош мураббийи Хосеп Гвардиола дарвозабон Клаудио Бравонинг муваффақиятсиз ўйинларига изоҳ берди.
«Танқидларни қабул қиламан. Бу мураббий ёки футболчи ишининг бир қисми, шунинг учун ҳам қабул қиламан.
Жамоанинг жадвалдаги ўрни дарвозабонга боғлиқ эмас. Агар шундай бўлганида, бу муаммони бартараф қилиш мен учун осонлашарди.
Муаммо яхшироқ ўйнаш, вазиятлардан унумли фойдаланиш ва камроқ гол ўтказишда. Мана шулар жадвалдаги ўринни белгилаб беради» - деди Гвардиола.
Айни пайтда «Манчестер Сити» пешқадам «Челси»дан 10 очко ортда қолиб, 5-ўринни эгаллаб турибди.
