«Манчестер Сити» бош мураббийи Хосеп Гвардиола ҳужумчи Серхио Агуэронинг трансферга қўйилгани ҳақидаги хабарларни инкор қилди.
«У «Манчестер Сити» билан шартномани узайтирди деб ўйлайман. Серхио ўзи хоҳлаган муддатгача жамоада қолади. У – бизнинг энг яхши ҳужумчимиз. Бизда голлар бўйича муаммо бор, шунинг учун ҳам у бизга керак. Мен жамоанинг фойдасини кўзлайман, бироқ ҳамма нарсани ўзим ҳал қилмайман» - деди Гвардиола.
Агуэронинг «Манчестер Сити» билан тузган шартномаси 2020 йилгача узайтирилган бўлиши мумкин. Бироқ бу ҳақда эълон қилинмади.
