"Манчестер Юнайтед" бош мураббийи Жозе Моуриньо Англия кубогининг 1/16 финалида "Уиган" устидан қозонилган ғалабага (4:0) шарҳ берди.
"Бу ҳақли ғалаба. Биз биринчи бўлимда яхши ўйнамадик, аммо яхши ўйнаш керак бўлган вақтда ҳисобда олдинга чиқиб олдик. Рақибнинг жипслашган ҳолда, тажовузкор ўйин кўрсатишини кутган эдик. Қаршиликни синдириш учун ниманидир ўзгартиришимиз лозим эди.
Иккинчи бўлим бироз яхши ўтди. Биз ғалабага муносиб бўлдик ва 1/8 финалга йўл олдик. Бугунги ишимиздан хурсандман. Ўйинчиларимиздан кимлардир мени хурсанд қилишди, аммо бу футбол", - дейди Моуриньо.
