"Севилья" бош мураббийи Хорхе Сампаоли Испания чемпионатида "Эспаньол"дан учралган мағлубиятдан сўнг (1:3) фикрлари билан ўртоқлашди.
"Мағлубиятга Пареханинг эрта четлатилиши ҳам сабаб бўлди. Ўйинчиларим катта куч сарфлашди, улар курашни тўхтатмадилар ва имконият изладилар. Аммо 1:3 ҳисоби бу мақсадларни чиппакка чиқарди. Камчилик бўлиб ўйнаш ўйиннинг боришига катта таъсир қилади, мен футболчиларимдан розиман. Четлатиш ва пеальтига келсак, бу вазиятдан узоқда эдим.
Кийиниш хонамизда "Реал"ни таъқиб қилиш имкониятимиз қийинлашганидан қаттиқ хафа бўлдик. Биз бу ерга катта иштаҳа билан келган эдик ва нохуш вазиятлар остида қолдик. "Реал" билан ёнма-ён юриш бизни жуда хурсанд қилган бўлар эди", - дейди Сампаоли.
