Афсонавий Дэвид Бекҳэм BBC Radio 4 эфирида «Барселона» футболчиси бўлишига сал қолгани ҳақида гапирди.

«МЮ» клубида мен учун ноқулай бўлган вазият вужудга келган эди. Бир неча ўйинларда майдонга тушмадим. Шундан сўнг мени сотиб юборишлари мумкинлиги ҳақида хабарлар чиқди.

Хотиним Виктория билан АҚШда дам олаётганимда, танишим қўнғироқ қилиб, ТВда «Барселона»га ўтганим ҳақидаги хабарни эшитганини айтди. Тезда Лондонга қайтиб, МЮ раҳбарияти билан учрашдим. Улар мени «Барселона»га сотишини маълум қилишди. Шунда, агар кетмоқчи бўлсам, фақат «Реал»га ўтаман, «Барселона»га ўтмайман дедим. Бир кундан сўнг Мадридда «Реал» билан шартнома имзоладим.

Аслида фаолиятимни «МЮ» клубида якунламоқчи эдим, уни тарк этганимдан анчагача ўзимга келолмадим» - деди Бэкҳем.