«Манчестер Сити» бош мураббийи Хосеп Гвардиола АПЛ 23-туридан ўрин олган «Вест Ҳэм» (4:0) клубига қарши ўйиндан сўнг, ўз ҳисобига гол ва голли узатмани ёзиб қўйган ҳужумчи Габриэл Жезус ҳақида гапирди.
«Жезус? Қандай футболчи сотиб олганингни олдиндан билмайсан. Бу худди тарвуз танлашга ўхшайди. Очиб кўрмагунингча, уни яхши ёки ёмон эканини билмайсан.
Жезусда кучли иштиёқ борлиги кўриниб турибди, у жуда фаол. Унинг орзуси бор. У дунё футболида ёрқин из қолдирмоқчи» - деди Гвардиола.
Эслатиб ўтамиз, 19 ёшли ҳужумчи «Манчестер Сити»га «Палмейрас» клубидан 27 млн фунт эвазига ўтган эди.
