«Рома» бош мураббийи Лучано Спаллетти футболдаги Муҳаммад Али ким экани ҳақида ўз фикрини баён қилди.
Мутахассис Италия кубогининг чоракфиналидан ўрин олган «Чезена» (2:1) клубига қарши ўйиндан сўнг, ҳужумчи Франческо Тоттини афсонавий боксчига қиёслади.
«Тотти қаерда ўйнамасин, майдончада ўғилчаси биланми ёки Италия кубоги чоракфиналидами, сеҳрли вазиятни топа олади. У – футболдаги Муҳаммад Али.
Тотти майдонга тушганида, тўп унга албатта етказилиши шарт. Баъзи мухлислар стадионни тарк этиш тараддудига тушганида, Франческо уларни орқага қайтара олди» - деди Спаллетти.
