«Манчестер Сити» жамоаси ҳужумчиси Габриэл Жезус АПЛнинг 24-турида «Суонси Сити»га қарши кечган ўйиндан кейин интервью берди. «Этиҳад» стадионида кечган учрашув мезбонларнинг 2:1 ҳисобидаги ғалабаси билан якунланди. 19 ёшли Жезус ушбу ўйинда дублни расмийлаштирди.

«Бугун жамоа катта иш бажарди. „Ман Сити“ — менинг Бразилиядан ташқаридаги илк клубим. Мен бу ерда жуда қийналсам керак деб ўйлагандим, футбол ўйнашдагина эмас, бошқа маданият, бошқа об-ҳаво ва бошқа шаҳар туфайли.

Клубим ва жамоадошларим туфайли мен Англияга жуда тез мослашиб кетдим. Мухлислар ҳам жуда илиқ қаршилашди ва бу учун миннатдорман. Мен уларга нафақат мени, бутун жамоани қўллаб туришгани учун раҳмат айтаман. Биз учун мухлисларнинг аҳамияти катта», — деган Жезус ВBC Sport эфирида.