"Нефтчи" жамоаси янги мавсумга Туркиянинг Анталия шаҳрида тайёргарлик кўрмоқда.
Айтиш керакки, жамоа Анталияга етиб борган куниёқ илк машғулотини ўтказган. Бугун эса икки маҳалдан машғулотлар бошланди.
Анталияда Никита Павленко ҳам "Нефтчи" делегацияси таркибига қўшилганини айтиб ўтиш мумкиндир.
Бугундан "Нефтчи" сафига икки нафар беларуслик футболчи Сергей Концевой ҳамда Дмитрий Комаровский келиб қўшилишди. Ўтган мавсумни Беларуснинг "Ислочь" жамоасида ўтказган ҳимоячи Дмитрий Комаровский ва Минскнинг "Динамо" жамоасида фаолият юритган бўйдор ярим ҳимоячи Сергей Концевой Фарғона жамоаси кўригида бўлиб туришибди. Тез орада жамоанинг учинчи легионер ҳужумчиси ҳам сафга қўшилади ва жамоа тўлиқ таркиб билан машғулотлар жараёнини давом эттиради.
